काठमाडौं– पछिल्लो एक सातामा देशभर १ सय ६० जनामा डेंगुको संक्रमण देखिएको छ । यो सँगै नेपालमा डेंगु संक्रमितको संख्या ७ हजार ८ सय २ पुगेको इपिडिमियोलोजी तथा रोग नियन्त्रण महाशाखा (इडिसिडी) ले जनाएको छ । 

देशका ७५ वटा जिल्लामा फैलिएको डेंगु संक्रमणबाट हालसम्म ६ जनाको मृत्यु भइसकेको इडिसिडीको तथ्यांक छ । 

सवैभन्दा धेरै संक्रमित रहेको बागमती प्रदेशमा संक्रमितको संख्या २ हजार ८ पुगेको छ भने गण्डकीमा १ हजार ९ सय ७७, लुम्बिनीमा १२ सय ९८, कोशीमा ९ सय ९७, सुदुरपश्चिममा ८ सय ३९, कर्णालीमा ५ सय १३ र मधेश प्रदेशमा १ सय ६५ जनामा डेंगुको संक्रमण देखिएको छ । 

चिसो मौसम सुरु भएसंगै हिमाली तथा उच्च पहाडी क्षेत्रमा संक्रमणको दर घटे पनि बागमती प्रदेशमा भने घट्न सकेको छैन । बागमती प्रदेशमा एक सातामा ३ सय ४६ जनामा संक्रमण देखिएको इडिसिडीको तथ्यांक छ ।

 पछिल्लो २४ घण्टामा देशभरबाट १५ जना संक्रमित थपिएको इडिसिडीले जनाएको छ ।