काठमाडौं- भारत र श्रीलंकाका सैनिकले संयुक्त अभ्यास सञ्चालन गरेका छन् । दुई देशका सैनिकबीचको अभ्यासलाई ‘मित्र शक्ति २०२५’ नाम दिइएको छ ।

आगामी नोभेम्बर २३ सम्म सञ्चालन हुने अभ्यासमा दुई मुलुकका सैनिकहरुले सैन्य समाञ्जस्यता कायम राख्ने विषयमा प्रशिक्षण लिने भारतको हिन्दू अखबारले जनाएको छ । यस अभ्यासमा सैनिकहरुले शहरी र अर्ध शहरी क्षेत्रमा सैन्य कारवाही सञ्चालन गर्नेबारे तालिम लिने जनाइएको छ ।

भारतको कर्णाटकस्थित बेलगाभी क्षेत्रमा अभ्यास सञ्चालन भइरहेको हो । भारतीय सेनाको जनसम्पर्क महानिर्देशनालयले जारी गरेको विज्ञप्तिमा यस अभ्यासले क्षेत्रीय शान्ति र सुरक्षा कायम राख्दै द्विपक्षीय रक्षा तथा रणनीतिक साझेदारीलाई थप मजबुत बनाउने अपेक्षा गरिएको छ ।