काठमाडौं- बंगलादेशका आदिवासी सन्थाल समुदायले प्रदर्शन गरेका छन् । बंगलादेशका अल्पसङ्ख्यक सन्थाल समुदायले भेदभाव र हिंसाविरुद्ध प्रदर्शन गरेका हुन् ।

बंगलादेशमा आदिमकालदेखि सन्थाल समुदायको बसोबास रहेको बताइन्छ । सन् २०२२ को जनगणनाअनुसार बंगलादेशमा सन्थाल समुदायको जनसङ्ख्या १ लाख २९ हजार ४९ रहेको छ । यसमध्ये ९९ प्रतिशत सन्थाल इसाई धर्मावलम्बी छन् ।

पछिल्लो प्रदर्शनमा ७ सयभन्दा धेरै सन्थाल, बंगाली र इसाई अधिकारकर्मीको सहभागिता रहेको क्रस्कनाउले जनाएको छ । सन् २०१६ मा हजारौँ मानिसहरुका अगाडि तीन जना सन्थाल अधिकारकर्मीको हत्या भएको स्मरणमा प्रदर्शन आयोजना गरिएको हो ।

नेपाल र भारतमा पनि सन्थाल समुदायको बसोबास छ । पछिल्लो समय बंगलादेशमा सन्थाल, इसाई, हिन्दू लगायत धार्मिक तथा जातीय अल्पसङ्ख्यकलाई लक्षित गरी हिंसाका घटना बढेको बताइन्छ ।