काठमाडौं– निर्देशक दिनेश राउतले फिल्म ‘कुमारी’को छायाङ्कन सकेका छन् ।

भदौ १७ गतेदेखि सुरु भएको यस फिल्मको छायाङ्कन शनिबार पूरा भएको हो ।

राउतले यस फिल्ममा डेब्यू नायक अविषेक खड्का र डेब्यू नायिका आकृति राजभण्डारीलाई शीर्ष भूमिकामा लिएका छन् ।

यही वर्ष फिल्म प्रदर्शनमा ल्याउने उद्देश्यका साथ प्रोस्ट प्रोडक्सनको काम चाँडै सुरु हुने उनले बताए ।

‘आई एम सरी’, ‘नोभेक्बर रेन’ र ‘क्लासिक’ जस्ता लभस्टोरी फिल्म निर्देशन गरेर स्थापित बनेका राउत पछिल्लो समय सामाजिक कथामा केन्द्रित थिए ।

उनले ९ वर्षपछि लभस्टोरी फिल्म निर्देशनमा फर्किएका हुन् ।

‘कुमारी’को लेखक विकास सुबेदी हुन् । यसअघि विकास र राउतले फिल्महरू ‘प्रकाश’, ‘पुजार सार्की’ र ‘महाभोज’मा सहकार्य गरेका थिए ।

बिनिश इन्टरटेन्मेन्टले पिक्चर फ्रेमसँग सहकार्यमा बनाउन लागेको यस फिल्मको निर्माता महेन्द्र अधिकारी हुन् ।