काठमाडौं– फिफा विश्वकप–२०२६ का लागि क्रोएसिया छनोट भएको छ । आज बिहान सम्पन्न समूह ‘एल’ को खेलमा फारो आइसल्यान्ड्सलाई ३–१ गोलले ले हराउँदै क्रोएसियाले सन् २०२६ को विश्वकपका लागि स्थान सुरक्षित गरेको हो ।

क्रोएसियाका लागि जोस्को ग्वार्डिओल, पेटार मुसा र इभान पेरिसिचले गोल गरेका थिए । फारो आइसल्याण्ड्सका गेझा डेविडले एक गोल गरेका थिए ।

खेलको १६औँ मिनेटमा फारोका डेविडले गोल गर्दै टोलीलाई सुरुवाती अग्रता दिलाएपछि त्यसलाई जोगाउन नसक्दा क्रोएसियाले पुनरागमन जित निकाल्यो ।

क्रोएसियाका ग्वार्डिओलले खेलको २३औँ मिनेटमा टोलीलाई १–१ गोलको बराबरीमा ल्याए । त्यसपछि ५७औँ मिनेटमा मुसा र ७०औँ मिनेटमा पेरिसिचले गोल गर्दै क्रोएसियालाई ३–१ गोलको जित दिलाए ।

यो जितसँगै १९ अंक जोडेको क्रोएसिया समूहको शीर्षस्थानमा छ । पराजित भएको फारो आइसल्याण्ड्स १२ अंकसहित तेस्रो स्थानमा छ । दोस्रो स्थानमा रहेको चेक रिपब्लिकको १३ अंक छ ।