काठमाडौं– भारतले टिमोर लेस्टेलाई रेबिज प्रतिरोधी खोप पठाएको छ । भारतले टिमोर लेस्टेलाई १० हजार डोज रेबिज खोज र २ हजार भायल इमिनोग्लोबिन सहयोग पठाएको हो ।
हाल त्यस मुलुकमा रेबिज रोगको प्रकोप देखिएको छ । भारतीय विदेश मन्त्रालयले ग्लोबल साउथ मुलुकका लागि भारत विश्वसनीय स्वास्थ्य साझेदार रहेको पनि उल्लेख गरेको छ ।
सामाजिक सञ्जाल एक्समा पोस्ट गर्दै भारतीय विदेश मन्त्रालयका प्रवक्ता रणधीर जयसवालले यसबारे जानकारी दिएका हुन् ।
उनले लेखेका छन्– ‘भारतले तत्कालै १० हजार डोज रेबिज खोप र २ हजार भायल इमिनोग्लोबिन टिमोर लेस्टेमा पठाएको छ । ग्लोबल साउथ मुलुकका लागि फस्र्ट रेस्पन्डर र विश्वसनीय स्वास्थ्य साझेदारका कायम रहन भारत प्रतिबद्ध छ ।’
प्रतिक्रिया