काठमाडौं – जेनजी मुभमेन्ट नेपालले ऊर्जामन्त्री कुलमान घिसिङ र नेपाल विद्युत् प्राधिकरणका प्रबन्ध निर्देशक मनोज सिलवाललाई गैरकानुनी विद्युत् खरिद सम्झौतामा संलग्न भएको आरोप लगाउँदै तत्काल बर्खास्त गर्न माग गरेको छ।

मुभमेन्टले मंगलबार जारी गरेको प्रेस वक्तव्यमा ऊर्जा, जलस्रोत तथा सिँचाइ मन्त्रालय र विद्युत् प्राधिकरणबीच भारतको कम्पनी पीटीसी इन्डियासँग करिब ४३ करोड रुपैयाँ बराबरको अवैध सम्झौता भएको दाबी गरेको छ।

वक्तव्यमा यो सम्झौतालाई ‘राष्ट्रघाती र भ्रष्टाचारपूर्ण’ भन्दै सम्बन्धित व्यक्तिमाथि कानुनी कारबाही गर्न सरकारसँग माग गरिएको छ।

मुभमेन्टकोचार बुँदे माग
ऊर्जामन्त्री घिसिङलाई तुरुन्त बर्खास्त गरी अख्तियारमा मुद्दा दायर,
प्राधिकरण प्रमुख मनोज सिलवाललाई तत्काल निलम्बन गरी सम्पत्ति शुद्धीकरण ऐन अन्तर्गत छानबिन सुरु गर्न,
विद्युत् नियमन आयोगले स्वतन्त्र छानबिन समिति गठन गरी सम्पूर्ण विद्युत् सम्झौता सार्वजनिक,
राष्ट्रघाती सम्झौतामा संलग्नलाई जेल हाल्ने र राज्यको सम्पत्ति फिर्ता गराउने कानुनी प्रक्रिया सुरु ।