काठमाडौं– बहुविवाह मुद्दामा दोषी ठहर भएर डिल्ली बजार जेल चलान भएका नेकपा (एमाले) का केन्द्रीय सदस्य पासाङ शेर्पा सोमबार छुटेका छन् ।
काठमाडौं जिल्ला अदालतका न्यायाधीश आनन्दप्रसाद श्रेष्ठको आदेशअनुसार सजाय वापदको रकम बुझाएर उनी डिल्लीबजार कारागारबाट छुटेका हुन् ।
बहुविवाह मुद्दामा फरार रहेका शेर्पालाई जिल्ला प्रहरी परिसर काठमाडौंको टोलीले गत कात्तिक १८ गते पक्राउ गरेको थियाे ।
उनीविरुद्ध बहुविवाहसम्बन्धी मुद्दामा एक वर्ष जेल र ५ हजार जरिवाना तोकिएको थियो । कैद वापतको रकम तिरेर बाहिर निस्किन पाऊँ भन्दै उनले अदालतमा निवेदन दिएका थिए । त्यहीअनुसार उनी रकम बुझाएर रिहा भएका हुन् ।
प्रतिक्रिया