काठमाडौं– कार्तिक ३ गतेदेखि सम्पर्कविहीन भएका दुई भारतीय नागरिक ५२ वर्षीय जिग्नेस कुमार लल्लु भाई पटेल र १७ वर्षिया प्रियन्सा कुमारी पटेलको शव सशस्त्र प्रहरीले फेला पारेको छ  ।

आइतबार दिउँसो करिब २ बजे मनाङको ङिस्याङ गाउँपालिका–४ स्थित ग्याल्सेन होटलबाट कार्तिक ३ गते सोही गाउँपालिका–५ स्थित मलेरिपा गुम्बा घुम्न जान्छु भनी हिँडेका उनीहरू सम्पर्कविहीन भएका थिए ।  

उनीहरू सम्पर्कविहीन भएपछि उक्त होटलले  खोजीकार्यको लागि सशस्त्र प्रहरी बल, नेपाल पर्वतीय उद्धार तालिम शिक्षालय मनाङलाई जानकारी गराएको थियो ।

सशस्त्रका डीएसपी शैलेन्द्र थापाका अनुसार सम्पर्कविहीन भएका उनीहरूको तालिम शिक्षालय मनाङले खोजी गरिरहेको थियो ।

तर नभेटिएपछि पुनः कार्तिक २३ गते सशस्त्र प्रहरी नायव उपरीक्षक हिरा बहादुर जिसीको कमाण्डमा उद्धार सामाग्रीसहित खटिएको माउण्टेन रेस्क्यु टालीले शव उक्त गुम्बाबाट करिब सय मिटर माथि हिउँले पुरिएका दुवै शव फेला पारेको हो ।

अहिले ती दुवै शलाई घटनास्थलबाट तल झार्ने काम भइरहेको सह-प्रवक्ता थापाले जानकारी दिए ।

भडियोमा पनि हेर्नुहोस् :