काठमाडौं – एन्फा प्रेसिडेन्ट लिग फुटबल अन्तर्गत शनिबार भएको खेलमा काँक्रेविहार युथ क्लब र नव जनजागृति युवा क्लबले १–१ गोलको बराबरी खेलेका छन् ।
्
काँक्रेविहारका लागि आशिष चापागाईं र नव जन जागृतिका लागि सुजन न्यौपानेले गोल गरेका हुन्। काँक्रेविहार सरिन जिसी खेलको म्यान अफ द म्याच बने ।

अर्को खेलमा हैरान्सले टाइगर्स टिमलाई ५–२ ले हरायो । हैरान्सका लागि रोहन डोङल तीन गोल गरे । समिराज थोकर र विश्व लामाले थप दुई गोल गरेका हुन् । टाइगर्सका विशेष लामाले दुई गोल फर्काए । खेलमा रोहन प्लयेर अफ द म्याच बने ।

२ मङ्सिरसम्म हेटौंडामा हुने लिगमा १० टोलीको सहभागिता छ । प्रतियोगितामा गाईघाट फुटबल क्लब, देउराली यूथ क्लब, नव जागृति क्लब, चित्लाङ फुटबल क्लब, टाइगर्स टिम टिकालाथाल, जन जागृति युवा क्लब,काँक्रेविहार यूथ क्लब, विजय स्पोट्र्स क्लब,हैरान्स क्लब र लाली गुराँस एसोसिएसन क्लब सहभागी छन्।

लिग कम नकआउटको आधारमा सञ्चालन भइरहेको प्रतियोगितामा विजेता टोलीले १० र उपविजेताले ५ लाख रुपैयाँ पुरस्कार पाउने छ ।

सहभागी टोलीलाई दुई समूहमा विभाजन गरिएको प्रतियोसिगताका दुवै समूहका शीर्ष दुई स्थान पाउने टोली सेमिफाइनल प्रवेश गर्ने छन् । सेमिफाइनल प्रवेश गर्ने टोलीले राष्ट्रिय लिगमा प्रवेश पाउने छन् । राष्ट्रिय लिग पुस महिनामा हुनेछ ।