काठमाडौं– १९ वर्षमुनिको सेन्ट्रल एसियन भलिबल सङ्घ (काभा) महिला भलिबल च्याम्पियनसिपको फाइलन खेल आज (आइतबार) हुँदैछ ।
काभा भलिबलको फाइनलमा आज नेपाल र किर्गिस्तानबीच प्रतिस्पर्धा हुँदैछ । खेल श्रीलङ्काको कोलम्बोमा अपराह्न ४ बजे सुरु हुनेछ ।
नेपाल माल्दिभ्सलाई पराजित गर्दै फाइनलमा पुगेको हो भने श्रीलंकालाई हराउँदै किर्गिस्तानले फाइनलको यात्रा तय गरेको हो ।
यसैगरी, आजै तेस्रो स्थानका लागि श्रीलङ्का र माल्दिभ्सबीच प्रतिस्पर्धा हुँदैछ । खेल दिउँसो २ बजे सुरु हुनेछ ।
प्रतियोगितामा नेपाल, किर्गिस्तान, श्रीलङ्का र माल्दिभ्स सहभागी छन् ।
प्रतिक्रिया