काठमाडौं– इंग्लिस प्रिमियर लिग फुटबलमा चेल्सीले सानदार जित निकालेको छ । गएराति भएको खेलमा उल्भ्सलाई ३–० गोलले हराउँदै चेल्सी विजयी भएको हो ।
पहिलो हाफ गोलरहित बराबरीमा सकिएको खेलमा चेल्सीले तीनवटै गोल दोस्रो हाफमा गरेको थियो ।
चेल्सीका मालो गुस्तो, पेड्रो नेतो र जोआओ पेड्रोले गोल गरेका थिए । गुस्तोले खेलको ५१औँ मिनेटमा गोल गर्दै चेल्सीलाई सुरुवाती अग्रता दिलाएका थिए ।
६५औँ मिनेटमा नेतोले अग्रतालाई दोब्बर बनाएको खेलमा ७३औँ मिनेटमा जोआओले गोल गर्दै चेल्सीलाई ३–० गोलको जित दिलाए ।
यो जितसँगै ११ खेलबाट २० अंक जोडेको चेल्सी अंकतालिकाको दोस्रो स्थानमा उक्लिएको छ । पराजित भएको उल्भ्स २ अंकसहित पुछारमा छ ।
प्रतिक्रिया