काठमाडौं– नेकपा माओवादी केन्द्रका नेता जनार्दन शर्माले आफू पदको लोभी नभएको उल्लेख गरेका छन् । 

ललितपुरको एक क्याफेमा पत्रकार सम्मेलन गर्दै उनले पदको लोभी भएको चर्चा गरिएकोले आफू पदको लोभी नभएको र सहिद परिवार र अन्य युवालाई अगाडि सार्ने उल्लेख गरे । 

शर्माले वैचारिक रूपमा अगाडि बढाउने युवालाई आफूहरूले साथ दिने भन्दै उनीहरूको अभिभावक भएर सल्लाह सुझाव दिने उल्लेख गरे ।

‘हामीले नेतृत्वको दाबी गरेका छैनौँ । यहाँ उपस्थित हुनुभएका सहिद परिवार र नयाँ पुस्ताका साथी नै अबको नेतृत्व हो ।’ उनले भने, ‘हामी भिन्न रूपले राजनीतिलाई अगाडि बढाउन चाहन्छु । हामी नेतृत्वको दाबी गर्दैनौं हामी अभिभावक भएर सल्लाह र सुझाव दिन्छौँ ।’

उनले अबको पार्टी नयाँ विचारधारा भएका युवा पुस्ताले हाँक्नुपर्ने बताए । उनले राजनीतिक अस्तित्व समाप्त पार्ने खेलाडीहरूप्रति आफू सधैँ सजग रहेकोसमेत उल्लेख गरे । 

उनले भने यो,’अभियान नयाँ हो फरक हो नयाँ पुस्ताको अगुवाइमा हुनेछ । नयाँ विचारका साथीहरू हुनुहुन्छ । जनताप्रति उत्तरदायी राजनीति संस्कार गर्ने युवा हुनेछ ।हामी उहाँहरूलाई सँगै बसेर मदत गर्नेछौँ।’

शर्माले जनतामा देखिएको अहिलेको राजनीति संकट अन्त्य हुने खालको नेतृत्व आफ्नो समूहले गठन गर्ने समेत उल्लेख गरे ।

उनले जनताले अस्वीकार्य गरिसकेको अभियानमा आफूहरू सामेल नहुने उल्लेख गरे । 

शर्माले माधवकुमार नेपाल र प्रचण्डलाई जनताले अस्वीकार गरिरहेकाले पार्टी एकताको कुनै तुक नभएको उल्लेख गरे ।