काठमाडौं– नेपालमा पहिलो पटक वुमन्स च्याम्पियनसिप शुरु भएको छ ।

कीर्तिपुरस्थित क्रिकेट मैदानमा नेपाल क्रिकेट संघ (क्यानका) अध्यक्ष चतुरबहादुर चन्दको बलिङमा राष्ट्रिय खेलकुद परिषद् राखेप सदस्य सचिव रमेश कुमार सिलवालले ब्याटिङ गर्दै लिगको उद्घाटन गरेका थिए ।

किर्तिपुरस्थित त्रिभुवन विश्वविद्यालयको क्रिकेट मैदानमा आयोजना हुने प्रतियोगितामा देशभरका ५ शहरका ५ टिम सहभागी छन् ।

प्रतियोगितामा ललितपुर फाल्कोन्स, पोखरा पल्टन, क्यापिटल रोयल्स काठमाडौँ, चितवन राइनोज र विराटनगर टाइटन्सले प्रतिस्पर्धा गर्ने छन् ।

प्रतियोगिताको उद्घाटन खेलमा २९ गते काठमाडौं क्विन्स र चितवन राइनोजले प्रतिस्पर्धा गर्दैछन् । लिग चरणको उद्घाटन हुने दिन बाहेक अन्य दिन २–२ वटा खेल हुनेछन् । प्रतियोगिताको तयारी अन्तिम चरणमा पुगेको आयोजकले जनाएको छ ।

महिला टि–२० क्रिकेट लिगको विजेता टोलीले ७ लाख पाउने छन् ।

आयोजक क्विन्स इभेन्ट मेनेजमेन्टको आयोजनामा असोज २९ गतेदेखि कात्तिक ७ गतेसम्म आयोजनक हुने वुमन्स च्याम्पियन्स लिग टी–२० क्रिकेट प्रतियोगिताको विजेताको ७ लाख पाउँदा उपविजेताले ३ लाख पाउनेछन् ।