काठमाडौं – नेकपा माओवादी केन्द्रका नेता जनार्दन शर्मा पार्टीमा चार पेज लामो फरक मत राखेर बैठकबाट बाहिरिएका छन्।

बैठकमा सहभागी एक नेताका अनुसार उनले चार पेज लामो आफ्नो कुरा राखेर बैठकबाट बाहिरिएका हुन्।

माओवादी संयोजक पुष्पकमल दाहाल प्रचण्डले उनको कुरालाई वास्ता नगरेपछि उनी आफ्नो कुरा राखेर त्यहाँबाट बाहिरिएको ती नेताको दाबी छ।

नेकपा माओवादी केन्द्रसहित सात दलले यही कात्तिक १८ गते पार्टी एकीकरण गर्ने निर्णय गरेपछि शर्माले आपत्ति जनाइ सकेको छन् । उनी अपरिपक्क एकताले पार्टीलाई थप विघटनतर्फ लाने भन्दै फरक मत राखिरहेका छन् ।

स्रोतका अनुसार जनार्दन कुनै पनि हालतमा पार्टी एकता नगर्ने बरु उनी छुट्टै टिम बनाएर अघि बढ्ने पक्षमा रहेका छन्। यता एकीकृत समाजवादीका महासचिव घनश्याम भुसालले पनि छुट्टै पार्टी स्थापना गर्ने निर्णय गरेका छन्।