काठमाडौं – नायक अनमोल केसी स्टारर प्रदर्शनरत फिल्म ‘जेरी अन टप’ले १० करोड ग्रस कलेक्सन कटाएपछि निर्माण पक्षले खुसी मनाएको छ ।
निर्माण टिमले शुक्रबार बत्तीसपुतलीमा आयोजित कार्यक्रममा केक काटेर खुसी मनाएको हो ।
कार्यक्रममा अनमोल, नायिकाहरु जसिता गुरुङ, नायक भुवन केसी, कलाकार केदार घिमिरे उपस्थित थिए । शीर्ष तीन कलाकार अनमोल, जसिता, आँचल र निर्देशक सुयोग गुरुङले केक काटेका थिए ।
‘जेरी अन टप’ अनमोलको दशक लामो करिअरकै सबैभन्दा बढी ग्रस कलेक्सन गर्ने फिल्म हो ।
यो ११ वर्षअघि प्रदर्शनमा आएको फिल्म ‘जेरी’को सिक्वेल हो ।
यो फिल्म गत असोज ३१ बाट हलमा लागेको थियो । अहिले पनि उच्च अकुपेन्सी र शोका साथ प्रदर्शनरत छ ।
थप तस्बिरहरु :
प्रतिक्रिया