काठमाडौं- आईसीसी विश्वकप लिग २ अन्तर्गत नेपालले अहिले यूएईको सामना गरिरहेको छ । दुबईमा जारी खेलमा नेपालले यूएईलाई २ सय ३४ रनको लक्ष्य दिएको छ ।

लक्ष्य पछ्याउँदै ब्याटिङ गरिरहेको यूएईले ताजा अवस्थामा १६ ओभरमा दुई विकेट गुमाउँदै ९३ रन बनाएको छ ।

अब यूएईलाई खेल जित्न ३४ ओभरमा १ सय ४१ रनको आवश्यकता छ । यूएईका आयांश शर्मा ४५ बलमा ३६ रन बनाउँदै खेलिरहेका छन् । उनलाई १४ बलमा ८ रन जोडेका राहुल चोपडाले साथ दिइरहेका छन् ।

खेलमा नेपालका सन्दीप लामिछाने र करण केसीले समान एक विकेट लिएका छन् ।

त्यसअघि टस जितेर पहिले ब्याटिङ गरेको नेपालले निर्धारित ५० ओभरमा सबै विकेट गुमाउँदै २ सय ३३ रन बनायो । नेपालका कप्तान रोहित पौडेलले शतकीर पारी खेले ।

१ सय ३० बलको सामना गरेका कप्तान पौडेलले १ सय ९ रन बनाए । त्यसैगरी, ओपनर आशिफ शेखले ४८ बलमा ३५ रन जोडे ।