इटालियन सिरी ए : इन्टर मिलानको सहज जित

१३ कार्तिक २०८२, बिहिबार

पढ्न लाग्ने समय : < 1 मिनेट

काठमाडौं– इटालियन सिरी ए फुटबलमा इनटर मिलानले सहज जित निकालेको छ । गएराति भएको खेलमा फियोरेन्टिनालाई ३–० गोलले हराउँदै इन्टर विजयी भएको हो ।

इन्टरको जितमा हकन काल्हानोग्लुले दुई तथा पिटर सुसिकले एक गोल गरेका थिए ।

पहिलो हाफ गोल रहित बराबरीमा सकिएको खेलमा हकनले ६६ र ८८ औँ मिनेट र पिटरले ७१औँ मिनेटमा गोल गरेका थिए ।

यो जितसँगै इन्टर मिलान ९ खेलबाट १८ अंकका साथ तेस्रो स्थानमा रहेको छ । पराजित भएको फियोरेन्टिना ४ अंकसहित अन्तिमबाट दोस्रोमा छ ।

प्रकाशित मिति : १३ कार्तिक २०८२, बिहिबार ८ : ०५ बजे

प्रतिक्रिया