काठमाडौं- चीनले ताइवान पुनर्स्थापना स्मारक दिवसको घोषणा गरेको छ । चिनियाँ राष्ट्रिय कंग्रेसको स्थायी समितिले अक्टोबर २५ का दिनलाई ताइवान पुनस्र्थापना दिवस घोषणा गरेको हो ।

यही दिन सन् १९४५ मा जापानले तत्कालीन उपनिवेशलाई तत्कालीन गणतन्त्र चीनलाई हस्तान्तरण गरेको थियो । गणतन्त्र चीनमा कुओमिङतान पार्टीको शासन रहेको थियो ।

पछि सन् १९४९ मा गृहयुद्धमा पराजित भएपछि यो पार्टी भागेर ताइवान पुगेको थियो । गृहयुद्धमा विजयी हासिल गरेपछि चीनमा कम्युनिष्ट पार्टीले जनगणतन्त्र स्थापना गरेको थियो ।

ताइवान पुनस्र्थापना दिवस मनाउने घोषणाले ताइवानमा आफ्नो दाबीलाई अझ बल पुर्‍याउने चिनियाँ अधिकारीको विश्वास छ । ताइवानमा अक्टोबर २५ लाई पहिलेदेखि नै राष्ट्रिय दिवसका रुपमा मनाउने गरिन्छ ।

चीनले लामो समयदेखि स्वतनत्र ताइवानको अस्तित्व नहुने दाबी गर्दै आएको छ ।