काठमाडौं- चीनले ‘ग्रे जोन’ रणनीतिअन्तर्गत ताइवान स्ट्रेमा नागरिक जहाजको प्रयोग गरिरहेको पाइएको छ । अमेरिकामा आधारित थिङ्कट्याङ्कले चिनियाँ समुद्री अर्धसैनिक बलले विभिन्न माछा मार्ने जहाजको प्रयोग गरिरहेको जनाएको हो ।

चीनले कुनै पहिचान अङ्कित नभएका तथा माछा मार्ने जहाजलाई दोहोरो प्रयोजनका लागि प्रयोग गरिरहेको अमेरिकामा आधारित सेन्टर फर स्ट्राटेजिक एण्ड इन्टरनेशनल स्टडिज (सीएसआईएस) नामक संस्थाले जनाएको हो । चीनले यी जहाजहरु सर्वेक्षण र धम्की दिने प्रयोजनका लागि प्रयोग गरिरहेको जनाइएको छ ।

सीएसआईएसले ३ सय १५ वटा चिनियाँ जहाजको जीपीएस र एआईएस सङ्केतको विश्लेषणबाट यस्तो देखिएको उल्लेख गरेको छ । सीएसआईएसको टिमले यस विषयमा विस्तृत नक्साङ्कन पनि गरिएको जनाएको छ ।

यो तथ्याङ्क चिनियाँ जनमुक्ति सेनाले सञ्चालन गरेको जोइन्ट स्वर्ड २०२४ ए र २०२४ बी नामक सैन्य अभ्यासका क्रममा संकलिन तथ्यांकका आधारमा उक्त विश्लेषण गरिएको सीएसआईएसले उल्लेख गरेको छ ।

शोधकर्ताहरुले १ सय २८ देखि २ सय ९ वटा चिनियाँ जहाज शङ्कास्पद रहेको पहिचान गरेका थिए । ती जहाजले ३० प्रतिशतभन्दा बढी समय अभ्यास चलिरहेको स्थानमा बिताएका कारण यस्तो निष्कर्ष निकालिएको जनाइएको छ ।