सोलुखुम्बु- सगरमाथा आधार शिविरबाट फर्किनेक्रममा लडेर एक विदेशी पर्यटक घाइते भएका छन्।

खुम्बु पासाङल्हामु गाउँपालिका–४ क्याङजु क्षेत्रमा लडेर डेनमार्ककका ६१ वर्षीय नागरिक फ्र्याङ्क थोर्बोल लार्सन घाइते भएका हुन्।

उनी हिमालयन ट्रेकिङ प्रालिमार्फत सगरमाथा क्षेत्र घुम्न गएका थिए। सगरमाथा आधार शिविर भ्रमण गरी फर्किने क्रममा खुट्टा चिप्लिएर लडेर घाइते भएको जिल्ला प्रहरी कार्यालय सोलुखुम्बुका सूचना अधिकारी विकास राईले जानकारी दिए।

घाइते पर्यटकको नाम्चेबजारबाट खटिएको प्रहरी टोली र ट्रेकिङ कम्पनीका कर्मचारीको संयुक्त सहयोगमा उद्धार गरिएको छ।

उद्धारपछि घाइते लार्सनलाई तत्काल उपचारका लागि नाम्चेस्थित ओम होङगिल नाम्चे सामुदायिक अस्पताल पु¥याइएको थियो। अहिले उनको अवस्था सामान्य रहेको बताइएको छ।