ब्रसेल्स- मेक्सिको र युरोपियन सङ्घबीचको नयाँ व्यापार सम्झौता आगामी फेब्रुअरीदेखि लागू हुने भएको छ । मेक्सिकोकी राष्ट्रपतिले शुक्रबार यस विषयमा जानकारी दिएकी छिन् ।

यो सम्झौताले सन् २००० सालमा भएको पुरानो सम्झतालाई प्रतिस्थापन गर्दै मेक्सिकोका कृषिजन्य तथा बनावट वस्तुहरूमा महसुल कटौती गर्नेछ, जसले मेक्सिकोका निर्यातलाई युरोपमा फाइदा पुर्‍याउनेछ ।

स्थानीय सञ्चारमाध्यमका अनुसार, यसले ८६ प्रतिशत कृषिजन्य वस्तुहरूमा महसुल तत्कालै हटाउनेछ भने बाँकी १० प्रतिशत महसुल सात वर्षभित्र क्रमशः हटाइनेछ ।

युरोपियन सङ्घ र मेक्सिकोबीच २०२४ मा भएको व्यापार करिब ८२ अर्ब यूरो बराबर रहेको छ, जुन लगभग ९५ अर्ब अमेरिकी डलरको हाराहारी हो । युरोपियन सङ्घ मेक्सिकोको तेस्रो ठूलो व्यापारिक साझेदार हो ।