काठमाडौं– फिफा विश्वकप २०२२ तथा एएफसी एसियन कप २०२३ अन्तरगत नेपालले मंगलबार (भोलि) जोर्डनविरुद्ध खेल्दैछ।

छनोट खेलमा नेपालले जोर्डनसँग उसैको घरेलु मैदानमा खेल्न लागेको हो । नेपाल र जोर्डनबीचको खेल मंगलबार राति ९ बजेर ४५ बाट शुरु हुनेछ।

छनोटको चौथो खेल खेल्न लागेको नेपाल जोर्डनसँग सक्दो राम्रो खेलेर अंक खोस्ने लक्ष्यमा रहने छ । असोज २३ मा नेपालले अस्ट्रेलियासँग खेलेको थियो । जुन खेलमा नेपाल ५–० गोल अन्तरले पराजित भएको थियो।

छनोटको पहिलो खेलमा नेपाल कुवेतसँग ७–० ले पराजित भएको थियो भने चाइनिज ताइपेइसँ २–० गोलको जित हात पारेको थियो।

यसअघि नेपालले जोर्डनसँ सन् २०११ जुलाई २३ र २८ मा खेलेको थियो। त्यतिबेला नेपाली टोलीले अवे खेलमा उसैको मैदानमा ९–० गोल अन्तरले पराजित भएको थियो भने काठमाडौंमा भएको होम गेममा १–१ गोल बराबरी खेलेको थियो।