काठमाडौं – शुक्रबारबाट प्रदर्शनमा आएको नायक अनमोल केसी स्टारर फिल्म ‘जेरी अन टप’ले पहिलो दिन आशाजनक व्यापार गरेको छ ।

फिल्मका शीर्ष कलाकारहरु अनमोल, नायिका जसिता गुरुङ र आँचल शर्मा दर्शकसँग प्रत्यक्ष भेटर प्रतिक्रिया लिन हल भिजिटमा पुगेका छन् ।

प्रि बुकिङ नै सन्तोषजनक रहेको यस फिल्मको आजका धेरैजसो शोले उच्च अकुपेन्सी पाएका थिए ।

दर्शकले अनमोललाई फिल्मबारे सकारात्मक प्रतिक्रिया दिएका छन् ।

आजको अकुपेन्सी र दर्शकले प्रतिक्रियाले फिल्मले राम्रो व्यापार गर्नेमा उनी आशावादी देखिन्छन् ।

उनले भने, ‘बुकिङ नै राम्रो थियो । यसले फिल्मले राम्रो व्यापार गर्छ भन्ने हाम्रो विश्वास हो ।

‘पहिलो दिनको व्यापार एक करोड कट्छ ?’ भन्ने प्रश्नमा उनले जवाफ दिए, ‘राम्रो व्यापार गर्छ । कलेक्सन भनेको नम्बर हो । त्यो त पछि सार्वजनिक भइहाल्छ । मेरा लागि मुख्य कुरा दर्शकको साथ र माया हो ।’

यस फिल्ममा नायक भुवन केसी र केदार घिमिरे ‘माग्ने बूढा’समेत मुख्य भूमिकामा रहेका छन् ।

‘जेरी अन टप’को निर्देशक सुगोग गुरुङ हुन् । अन्नया फिल्मस् प्रोडक्सनको ब्यानरमा बनेको यस फिल्मकफ प्रस्तुतकर्ता सरोज न्यौपाने हुन् ।