काठमाडौं– जेन–जी आन्दोलनका क्रममा भएको आगलागीबाट क्षतिग्रस्त बनेको कलंकी मालपोत कार्यालयले आइतबारदेखि सेवा सुचारु गरेको छ ।
क्षतिग्रस्त भवनबाटै भए पनि सेवा दिन थालेपछि कार्यालयमा श्रेस्ता प्रमाणीकरण, जग्गा फुकुवा, नामसारी लगायतका सेवा लिन आउनेको चाप बढेको छ ।
कार्यालयले सिंहदरबास्थित एकीकृत डाटा व्यवस्थापन केन्द्रमा सुरक्षित रहेको प्रणालीका आधारमा पुर्जा प्रमाणीकरण लगायतका काम गर्न थालेको हो ।
आगजनीबाट कार्यालय भवनसँगै जग्गा धनी पुर्जा लगायतका कागजात जलेर नष्ट भएको थियो । तर पनि, प्रणालीमा आएको सुस्तताका कारण केही समय कुर्नुपर्ने बाहेक अन्य कुनै व्यवधान बिनै काम भएको सेवाग्राहीले जनाएका छन् ।
प्रतिक्रिया