काठमाडौं- निजी क्षेत्रको अग्रणी हवाई कम्पनी बुद्ध एयरका सञ्चालक वीरेन्द्रबहादुर बस्नेतले नयाँ दल खोलेका छन् ।
बस्नेतले खोलेको नयाँ दलको नाम गतिशील लोकतान्त्रिक पार्टीका रुपमा बिहीबार निर्वाचन आयोगमा दर्ता भएको छ ।
बस्नेत अहिले त्यस पार्टीको सदस्य छन् । यो पार्टीको अध्यक्ष दिनेश प्रसाईंलाई राखिएको छ ।
यस्तै, महासचिवमा पियुस कायस्थ छन् । पार्टीको चुनाव चिह्न ‘दीपज्योति’ मिलेको बस्नेतले जानकारी दिए ।
गत भदौ २३ र २४ को जेन-जी आन्दोलनपछि नयाँ दल खोल्ने लहर चलेको छ । पुराना दलप्रतिको चरम वितृष्णा देखेर नयाँ दल दर्ता गर्न थालिएको हो ।
प्रतिक्रिया