काठमाडौं – नेपाली राष्ट्रिय क्रिकेट टोली लगातार दोस्रो पटक टी–२० विश्वकप क्रिकेट प्रतियोगितामा पुग्न सफल भएको छ। नेपालले दुई खेलअगावै पुनः विश्वकप यात्रा सुनिश्चित गरेको हो।

यो उपलब्धिपछि कप्तान रोहितकुमार पौडेलले टोलीको सफलतापछि सामाजिक सञ्जालमार्फत भावनात्मक प्रतिक्रिया दिएका छन्। उनले लेखेका छन् ।

पौडेलले यो उपलब्धि सम्पूर्ण नेपालीका लागि भएको उल्लेख गर्दै यसलाई समर्पण, विश्वास र एकताको परिणाम भनेका छन्। उनले भनेका छन्, ‘हामीले सपना देख्यौं, विश्वास गर्‍यौं र त्यसलाई पूरा गर्‍यौं। यो हाम्रो मात्र होइन, सम्पूर्ण नेपालीहरूको विजय हो।’

नेपालले यसअघि सन् २०२४ मा भएको टी–२० विश्वकपमा पहिलो पटक खेल्ने मौका पाएको थियो। दोस्रो पटक लगातार विश्वकपमा स्थान बनाउन सफल हुँदै नेपाली क्रिकेटले अन्तर्राष्ट्रिय स्तरमा आफ्नो उपस्थिति मजबुत पारेको छ।

क्रिकेट प्रेमी र समर्थकहरू सामाजिक सञ्जालमा खुशी साट्दै नेपाली टोलीप्रति गर्व व्यक्त गरिरहेका छन्।