काठमाडौं – नायक अनमोल केसीले फिल्म ‘जेरी अन टप’का आफू र आफ्ना बुवा नायक भुवन केसी दुवै शीर्ष भूमिकामा रहेको खुलासा गरेका छन् ।

अनमोलका अनुसार यस फिल्मको महत्त्वपूर्ण भूमिकामा भुवन रहेका छन् । उनले भने, ‘हामी दुवै मुख्य भूमिकामा छौं । बुवासँग मैले ठूलो भूमिकामा लागि स्क्रिन सेयर गरेको यो पहिलो पटक हो ।’

अनमोल फुल फ्लेज हिरो भएपछि उनी र भुवनले फिल्म होस्टलमा स्क्रिन सेयर गरेका थिए । तर, त्यस फिल्ममा भुवन केमियो भूमिकामा थिए ।

फिल्ममा भुवनको भूमिकाबारे अनमोल भन्छन्, ‘उहाँ मेरो बुवाको भूमिकामा हुनुहुन्छ । तर हाम्रो समानन्तर भूमिका छन् ।’

यस फिल्ममा नायिकद्वय आँचल शर्मा, जसिता गुरुङ, कलाकार केदार घिमिरे शीर्ष भूमिकामा रहेका छन् ।

सरोज न्यौपाने प्रस्तुतकर्ता रहेको यस फिल्मको निर्देशक सुयोग गुरुङ हुन् ।