जनकपुरधाम– मधेस प्रदेशमा जनमत पार्टी औपचारिक रूपमा फुटेको छ । निवर्तमान मुख्यमन्त्री सतिशकुमार सिंह र पूर्व वनमन्त्री त्रिभुवन शाहले जनस्वाराज पार्टीमा सनाखत गरेका छन् ।
उनीहरूले जनकपुरधामस्थित मधेस प्रदेश निर्वाचन आयोगको कार्यालयमा गएर आज सनाखत गरेका हुन् ।
मुख्यमन्त्री सिंह सनाखत गर्न निर्वाचन कार्यालय जाँदा उनलाई रोक्न जनमतका नेता कार्यकर्ता पुगेका थिए । त्यस क्रममा समान्य झडप समेत भएको छ ।
मधेश प्रदेश संसदीय दलमा जनमतका १३ जना प्रदेश सांसद छन् । मंगलबार मात्रै जनमतका असन्तुष्ट पक्षले पार्टी फुटाएर जनस्वराज पार्टी (जस्वपा) गठन गरेका थिए ।
प्रतिक्रिया