काठमाडौं – कलाकार हरिवंश आचार्य दर्शकलाई भेट्न नेपालगञ्ज पुगेका छन् ।
त्यहाँ पुगेर बुधबार उनले दर्शकसँग आफ्नो लेखन र अभिनय रहेको फिल्म ‘हरिबहादुरको जुत्ता’को प्रत्यक्ष प्रतिक्रिया लिएका हुन् ।
उनले नेपालगञ्जको सिनेरोयल हलमा उपस्थित दर्शकलाई भेटका हुन् ।
उनले आजै बागेश्वरी क्यूएफएक्सका फिल्म हेर्न आएका दर्शकलाई भेट्ने तालिका रहेको छ ।
‘हरिबहादुरको जुत्ता’ गत फूलपातीबाट प्रदर्शनमा आएको हो । यस फिल्ममा हरिवंशसहित नायिका स्वस्तिमा खड्का, प्रकाश सपुत र दिव्य देव पन्त शीर्ष भूमिकामा छन् ।
यसको निर्देशक दीपेन्द्र के खनाल हुन् ।
हरिवंशको चर्चित पात्र ‘हरिबहादुर’लाई शीर्ष भूमिकामा लिएर यो फिल्म बनाइएको हो ।
प्रतिक्रिया