काठमाडौं – हमासले रिहा गर्ने २० बन्धकको नाम सार्वजनिक भएको छ । प्यालेस्टिनी समाचार एजेन्सी ‘शेहाब’लाई उद्धृत गर्दै बिबिसीले सार्वजनिक गरेको सूचीमा विपिन जोशीको नाम छैन । सोमबार सार्वजनिक सूचीमा विपिनसँगै अज्ञात भनिएका तमिर निम्रोदीसमेत समेटिएका छैनन् ।

सार्वजनिक भएका २० जीवित भनिएका इजरायली नागरिक हुन् । उनीहरुलाई हस्तान्तरण गर्ने तयारी भइरहेको छ । समाचारमा उल्लेख भए अनुसार उनीहरुलाई लिन अन्तर्राष्ट्रिय रेडक्रम सोसाइटीको टोली गाजा पट्टी पुगेको छ ।

विपिन जोशी, एक नेपाली विद्यार्थी थिए । दक्षिण इजरायलको अलुमिम किबुत्जमा खेतमा काम गर्दै गर्दा अपहरणमा परेका थिए। उनको परिवारले हालै इजरायली सेनाले गाजाबाट फेला पारेको भिडियोमा विपिनलाई जीवित देखिएको पुष्टि गरेको थियो । तर अहिले सार्वजनिक हुन लागेका बन्धकको सूचीमा उनको नाम नसमेटिएको हो ।

जोशी परिवारले अक्टोबर ७, २०२३ मा अपहरणपछि तुरुन्तै खिचिएको भिडियो सार्वजनिक गरेको थियो, जुन जीवित रहेको उनको अन्तिम प्रमाणित दृश्य हो।