काठमाडौं– राष्ट्रपति रामचन्द्र पौडेलको स्वास्थ्य अवस्था सामान्य भएको छ।
स्वास्थ्यमा समस्या देखिएपछि त्रिभुवन विश्वविद्यालय अन्तर्गतको मनमोहन कार्डियोथोरासिक भास्कुलर तथा ट्रान्सप्लान्ट सेन्टर, महाराजगञ्जमा उपचारार्थ भर्ना भएका राष्ट्रपति पौडेललाई स्वास्थ्य परीक्षण र उपचारपछि डिस्चार्ज गरिएको छ।
सेन्टरका कार्यकारी निर्देशक प्रा.डा. रत्न मणि गजुरेलद्वारा जारी विज्ञप्तिमा राष्ट्रपति पौडेलको स्वास्थ्य अवस्था सामान्य भएको र अब नियमित स्वास्थ्य निगरानी जारी रहने उल्लेख छ।
राष्ट्रपति पौडेललाई आइतबार दिउँसो स्वास्थ्यमा असजिलो महसुस भएपछि अस्पताल भर्ना गरिएको थियो।
आवश्यक परीक्षणपछि चिकित्सकहरूले उनको स्वास्थ्यमा सुधार आएको जनाएका छन्।
प्रतिक्रिया