स्पेनको राजधानी शहर म्याड्रिडमा निर्माणाधीन भवन भत्किँदा भग्नावशेषमा परी चार जना बेपत्ता भएका छन् । बेपत्ताको खोजी गर्न स्पेनी आपतकालीन सेवाले टोलीहरू परिचालन गरेको अधिकारीहरूले बताएका छन् ।
म्याड्रिड क्षेत्रका लागि केन्द्रीय सरकारका उच्च प्रतिनिधि फ्रान्सिस्को मार्टिन अगुइरेले घटनाको पुष्टि गर्दै उक्त दुखद् घटनामा कम्तीमा १४ जना हताहत भएको बताए । उनले भने, “मङ्गलबार अहिले (समाचार तयार पार्दा) सम्म बेपत्ता हुनेको सङ्ख्या चार पुगेको र उनीहरू जीवित पाइने आशा क्षीण रहेको छ ।”
अरु १० जनालाई घाइते अवस्थामा उद्धार गरी उपचारका लागि पठाइएको छ। घाइतेमध्ये अधिकांशलाई सामान्य चोट लागेको बताइएको छ ।
प्रतिक्रिया