काठमाडौं– प्रमुख प्रतिपक्षी दल नेपाली कांग्रेसका सभापति शेरबहादुर देउवाले चिनियाँ राष्ट्रपति सी चिनफिङलाई सामाजिक सञ्जालमार्फत नै नेपालमा स्वागत गरेका छन् ।
देउवाले सामाजिक सञ्जाल ट्वीटरमा चिनियाँ भाषामा नै सन्देश लेखेर सीको स्वागत गरेका छन् ।
शनिबार दिउँसो चिनियाँ भाषामा ट्वीट गर्दै देउवाले लेखेका छन्– ‘नेपालमा स्वागत छ ! राष्ट्रपति सी चिनफिङ ।’
शनिबार अपराह्न ५ बजेरित काठमाडौं आइपुग्ने चिनियाँ राष्ट्रपति सीले आफ्नो पहिलो राजनीतिक भेटघाट देउवासँगै गर्ने कार्यक्रम छ ।
५ बजे काठमाडौं आइपुग्ने सीले राष्ट्रपति भवन शीतल निवास पुगेर समकक्षी विद्यादेवी भण्डारीसँग भेटवार्ता गर्ने छन् ।
राष्ट्रपति भण्डारीसँगको भेटवार्ता पनि सीले प्रमुख प्रतिपक्षी दलका सभापति तथा संसदीय दलका नेता देउवासँग भेटवार्ता गर्नेछन् ।
प्रधानमन्त्री केपी शर्मा ओली र सत्तारुढ दलका अध्यक्ष पुष्पकमल दाहाल (प्रचण्ड)सँग भने आइतबार मात्रै भेटवार्ता हुने जनाइएको छ ।
欢迎来到尼泊尔！ 习近平主席 pic.twitter.com/wD2hg0Kw6a
— Sher Bahadur Deuba (@DeubaSherbdr) October 12, 2019
प्रतिक्रिया