बर्दिया– बर्दियाको थारू समुदायमा टिका र मकैको जमरा लगाएर हर्षउल्लासका साथ दशैँ मनाइएको छ ।

जब-जब दशैं नजिकिन्छ बर्दियासहित पश्चिम नेपालको तराई जिल्लाका थारू समुदायमा पनि दशैंको रौनक बढ्दै जान्छ। थारू समुदायमा दशैंको उत्साह घटेको छैन ।

दशैंको नवौ दिन थारू समुदायको बाहुल्यता रहेको बर्दिया, कैलाली, कञ्चजपुर, दाङ, बाँके, र सुर्खेत जिल्लामा आफ्नै मौलिक परम्परासहित यो समुदायले हर्षोउल्लासले दशैं मनाउँछन् ।

हिन्दुधर्म झै थारू समुदायले दशैँ मनाउने भएपनि उनीहरूको आफ्नै मौलिक संस्कृति, परम्परा र धार्मिक अनुष्ठान अनुसार  टीका र जमरा लगाएर दशैं मनाउने गर्दछन् ।कसैले रातो टिका त कसैले सेतो टीका र जमरा लगाएर दशैं मनाउने गर्दछन् ।

 दसैँलाई ‘दश्‍या’ भनेर मनाइने यो पर्व थारू समुदायको माघी र अट्वारी पछिको अर्को ठूलो पर्व हो । यसका आफ्नै मौलिक संस्कृति छन् ।