काठमाडौं– चिनियाँ राष्ट्रपति सी चिनफिङको स्वागतका लागि काठमाडौंलाई चिटिक्क पारिएको छ ।
सी आज साँझ काठमाडौं आइपुग्ने कार्यक्रम रहेको छ ।
सी हिँड्ने मार्गमा रंगरोगन, स्वागतद्वार, सी र नेपालकी राष्ट्रपति विद्यादेवी भण्डारीको तस्वीरलाई पोलमा सजाइएको छ ।
विमानस्थलदेखि सी बस्ने होटल सोल्टीसम्मको क्षेत्रका सडकमा सीको स्वागतका लागि डिजिटल डिस्प्ले, फूलका गमलाहरु, नेपाल झल्कने चित्रसहितको फ्लेक्स राखिएको छ ।
सडक किनारा र चोकमा ढकमक्क फूल फूलेका गमलाहरुसमेत राखिएका छन् ।
काठमाडौंको माइतिघर मण्डलालाई विषेश रुपमा सजाइएको छ ।
मण्डलाको बीच भागमा रहेको आकृतिलाई नयाँ रुप दिइएको छ भने रंगाली पनि बनाइएको छ ।
साना रुख र फूलका बोटहरुमा झिलिमिली बत्ती राखिएको छ ।
प्रतिक्रिया