काठमाडौं– चिनियाँ राष्ट्रपति सी चिनफिङको दुई दिने राजकीय भ्रमणका लागि नेपाल आउने समयमा त्रिभुवन अन्तर्राष्ट्रिय विमानस्थल बन्द हुने भएको छ ।
चिनियाँ राष्ट्रपति नेपाल आउँदा त्रिभुवन अन्तर्राष्ट्रिय विमानस्थल ६ घण्टा बन्द हुने भएको छ । उनी नेपाल आउँदा तीन घण्टा र फर्किँदा तीन घण्टा गरी ६ घण्टा विमानस्थल बन्द हुने भएको हो । सो समयमा अन्तर्राष्ट्रिय विमानस्थलबाट हुने अरू सबै उडान ठप्प हुनेछन् ।
नागरिक उड्डयन प्राधिकरणले सूचना जारी गर्दै ८७ वटा विमानका उडान/अवतरण प्रभावित हुने जनाएको हो । त्रिभुवन अन्तर्राष्ट्रिय विमानस्थल नागरिक उड्डयन कार्यालयको जारी सूचना अनुसार शनिबार दिउँसो २ः५५ बजे देखि ५ः२५ बजेसम्मका (३३ वटा) सबै उडान तथा अवतरण ठप्प हुनेछन् ।
त्यसैगरी आइतबार चनियाँ राष्ट्रपति फर्किदा बिहान ११ः २० बजेदेखि दिउँसो १ः५० बजेसम्मका (५४ वटा) उडान तथा अवतरण बन्द हुनेछन् ।
यो दुई दिनको अवधिमा ८७ वटा उडान तथा अवतरण बन्द हुने प्राधिकरणको सूचनामा उल्लेख छ । आन्तरिक उडानमा पनि केही अघि र पछि गरी व्यवस्थापन गरिएको प्राधिकरणले जनाएको छ ।
प्रभावित उडानहरुको व्यवस्थापनका लागि उक्त उडानका दिनहरुमा विनमास्थल २४ सै घण्टा सञ्चालन गर्ने व्यवस्था मिलाएको प्राधिकरणले जनाएको छ ।
कुन–कुन विमानका उडान/अवतरण प्रभावित हुने छन् ?
प्रतिक्रिया