काठमाडौं– राप्रपाका युवा नेताहरूले काठमाडौंको माइतीघरमा साङ्केतिक मौन प्रदर्शन गरेका छन् ।

जेन-जी विद्रोहलाई उपलब्धिविहीन बनाइएको भन्दै उनीहरूले शनिबार माइतीघरमा प्रदर्शन गरेका हुन् । उनीहरूले क्रान्तिको भावना बिपरित नजान र शहीदको बलिदानलाई नजरअन्दाज नगर्न माग गरेका छन् ।

आन्दोलनका क्रममा भएको दमन गर्नेहरूलाई तत्काल कानुनी दायरामा ल्याउन ढिलाइ भएको भन्दै उनीहरूले चिन्ता व्यक्त गरेका छन् ।

राप्रपा केन्द्रीय सदस्य खुस्बु ओलीले क्रान्तिको भावनाबिपरित अन्तरिम सरकार अघि बढ्न खोजेकाले ध्यानाकर्षण गराउन साङ्केतिक मौन प्रदर्शन गरिएको जानकारी दिइन् ।  

प्रदर्शनमा सहभागीहरूले महँगो र विखण्डनकारी प्रदेश खारेजी कहिले ?, देशलाई दुर्घटनाबाट जोगाउन नवीन समझदारी गर, ७५ जनाको बलिदान फेरी यही संविधान ? लगायत लेखिएका प्लेकार्ड प्रदर्शन गरेका थिए ।