काठमाडौं – ला लिगा अन्तर्गत बिहीबार बिहान सम्पन्न खेलमा एट्लेटिको म्याड्रिडले रायो भालेकानोलाई ३–२ गोल अन्तरले पराजित भएको छ।

म्याड्रिडको जितमा जुलियन अल्भारेजले ह्याट्रिक गरे। खेलको १५ मिनेटमा पहिलो गोल गरेका उनले ८० र ८८ औं मिनेटमा थप गोल गर्दै ह्याट्रिक पूरा गरेका हुन्। टिमका लागि अल्भारेजबाहेक कुनै खेलाडीले गोल गर्न सकेनन्। उनको ह्याट्रिक नै जितका लागि पर्याप्त भयो।

रायोका लागि खेलमा फर्किने अवसर भए पनि सफल बन्न सकेन। पेप चाभार्रिया र अल्भारो गार्सियाले एकएक गोल गर्दै खेल प्रतिस्पर्धात्मक बनाए। एट्लेटिकोसँग रायो ३-२ ले पराजित भएको हो।

त्यसैगरी गएराति नै भएको अर्को खेलमा सोसिएडाडले मायोर्कालाई १-० ले पराजित गरेको छ। सोसिएडाडको जितमा मिकेल ओयार्जाबाले ४९ मिनेटमा निर्णायक गोल गरेका हुन्।