काठमाडौँ- गत भदौ २३ र २४ गते भएको जेन-जी आन्दोलनका क्रममा देशकै प्रमुख प्रशासनिक केन्द्र सिंहदरबारले ठूलो क्षति भोग्नुपरेको छ।

सिंहदरबारभित्रै तैनाथ नेपाली सेनाले हात उठाएर बाहिरिएपछि यहाँ जेन-जीका नाममा विध्वंश भएको थियो ।

अर्कातिर केही सय मिटर दूरीको सिंहदरबारको आगो निभाउन काठमाडौँ महानगरपालिकाले पनि तत्परता देखाएन ।

बरू महानगरका प्रहरीलाई नेतृत्वले सडकमा पानी बाँड्दै खटाउन लगायो । सिंहदरबारमा चार दिनसम्म आगो बलिरहँदा पनि महानगरका दमकल आगो निभाउन निस्किएनन् ।

यहाँभित्रका विभिन्न मन्त्रालय र कार्यालयमा आगजनी भएको । मन्त्रालय मात्रै नभएर सयौँ सवारीसाधन र भौतिक संरचनामा तोडफोड र आगजनी गरिएको छ ।

आन्दोलनको एक सातापछि सिंहदरबार क्षेत्रमा आगजनी गरिएका सवारी साधन र क्षति पुगेका मन्त्रालयका भवन मर्मत रङरोगनको कामलाई अघि बढाइएको छ ।

जेन-जीका नाममा जलाइएको घाउमा मजदुरहरूअहिले रंगरोगनका लागि सक्रिय भएका छन् ।

तस्बिरहरू : नेपाल फोटो लाइब्रेरी