काठमाडौं – फिफा विश्वकप २०२२ तथा एसियन कप २०२३ अन्तरगत दोस्रो चरणको छनोटमा अस्ट्रेलियाविरुद्धको ‘अवे’ खेलमा नेपाली टोली पहिलो हाफमा ३–० गोलले पछि परेको छ ।

अस्ट्रेलियाले खेलको छैठौं मिनेटमा गोल गर्दै अग्रता बनाएको थियो भने त्यसको ठिक १३ मिनेटपछि अर्थात् १९ औं मिनेटमा म्याकलेरेन नै व्यक्तिगत दोस्रो गोल गर्दै टिमलाई २–० को अग्रता दिलाएका थिए ।

बलियो विपक्षीविरुद्ध उसैको मैदानमा नेपाली टोलीका खेलाडीहरुले राम्रो प्रदर्शन गर्दै गोल रोक्ने प्रयास गरेपनि पुन २४ औं मिनेटमा नेपालले गोल खान पुग्यो ।

२४ औं मिनेटमा घरेलु टोलीका लागि डेब्यु ब्वाई ह्यारी सोउटरले गोल गर्दै ३–० गोलको अग्रता टिमलाई दिलाए । नेपालका कप्तान तथा गोलकिपर किरण चेमजोङ घरेलु टोलीविरद्ध राम्रो खेल पस्किरहेका छन् ।