काठमाडौँ– जेन-जी समूहको जुम बैठक अहिले चलिरहेको छ। जेनजीको पुस्ताको यस भर्चुअल बैठकमा प्रधानसेनापति अशोकराज सिग्देलसँग वार्तामा जाने व्यक्तिहरूबारे कुनै गन्ध आउनु नहुने माग उठेको छ ।

बैठकमा जेन-जी पुस्ताले आफ्नो स्पष्ट परिचय राख्नुपर्ने र कुनै राजनीतिक दलसँग आवद्ध भएको युवा वार्तामा जान नहुने अडानसहित छलफल भइरहेको छ ।

छलफलमा सर्वस्वीकार्य एजेन्डा हुनुपर्ने र नेतृत्व पनि सबैले पत्याउन सक्ने हुनुपर्ने बताइरहेका छन् ।

उनीहरूले वार्तामा जानका लागि टोली छान्न ढिलो गर्नु नहुने र छानिएको व्यक्तिले स्पष्टसँग मर्यादित भएर आफ्नो कुरा राख्न पाउनुपर्ने माग गरिरहेका छन् ।

प्रधान सेनापति सिग्देलले राष्ट्रिय प्रजातन्त्र पार्टी रास्वपा र दुर्गा प्रसाईंसँग वार्तामा बस्न भनेको दाबी आएपछि उनीहरूले यस्तो कुराकानी गरेको हुनसक्ने अनुमान छ ।