काठमाडौँ – सशस्त्र प्रहरी बल नेपालले जेन-जी आन्दोलन क्रममा क्षति कम हुने गरी परिचालित भएको जनाएको छ ।

आज साँझ एक विज्ञप्ति जारी गर्दै सशस्त्रले विद्यमान परिस्थितिलाई थप जटिल हुन नदिन र संयमित भई सामाजिक सद्भाव कायम राख्ख सम्पूर्ण पक्षमा हार्दिक अनुरोध पनि गरेको छ ।

‘हाल भइरहेको जेन-जी आन्दोलनमा सशस्त्र प्रहरी बल, नेपाल जनधनको क्षति कम हुने गरि पूर्णरूपमा संयमताका साथ परिचालन भइरहेको छ’, विज्ञप्तिमा लेखिएको छ ।

सशस्त्रले आन्दोलन क्रममा हुन पुगेको अपूरणीय क्षतिप्रति दुखः प्रकट गर्दै दिवंगत आत्माको चिरशान्तिको कामना गरेको छ । साथै शोक सन्तप्त परिवारजनप्रति समवेदना व्यक्त गर्दै घाइते बिरामीहरुको शीघ्र स्वास्थ्यलाभको कामना समेत गरेको छ ।

नागरिकको जिउ, धन र स्वतन्त्रताको सम्मान र सुरक्षाको लागि यस विषम परिस्थितिमा राष्ट्रिय सम्पतिको थप क्षति हुन नदिने कुरामा सचेत, सजग र संयमित हुन सबै पक्षमा अनुरोध पनि गरेको छ ।

सशस्त्र प्रहरीको विज्ञप्ति :