काठमाडौं– बुधबार पनि शेयर बजार घटेको छ । बुधबार नेपाल स्टक एक्सचेञ्ज (नेप्से) १५.६४ अंकले घटेको छ । नेप्से ०.५७ प्रतिशतले घट्दा परिसूचक २७२६.३३ विन्दुमा आएको छ । 

बुधबार नेप्से घट्दा ४ अर्ब ७२ करोड ८० लाख ५२ हजार रुपैयाँ बराबरको १ करोड १३ लाख ४५ हजार ९९४ कित्ता शेयर कारोबार भएको छ । 

बजार बन्द हुँदा ३९ वटा कम्पनीको शेयर मूल्य बढेको छ भने २१३ वटा कम्पनीको शेयर मूल्य घटेको छ । कुनै पनि कम्पनीको शेयर मूल्य भने स्थिर रहेको छैन । 

दिनभरमा ३२६ वटा कम्पनी कारोबारमा आउँदा ६८ हजार ५९४ पटक शेयर किनबेच भएको छ । 

बुधबार म्युचुअल फण्ड ०.२२ प्रतिशतले र ट्रेडिङ समूह ०.०७ प्रतिशतले बढेको छ । अन्य सबै समूह भने राताम्य भएको छ । सबैभन्दा बढी हाइड्रोपावर समूह ०.९२ प्रतिशतले घटेको छ ।