काठमाडौं – विश्वकै चर्चित मध्येको एक दक्षिण कोरियाको बुसान अन्तर्राष्ट्रिय फेस्टिभलको ३० औँ संस्करणमा नेपाली लघु फिल्म ‘रिहाना’ वर्ल्ड प्रिमियर हुने भएको छ ।

बुसानले जारी गरेको सूचना अनुसार यस फिल्मको विशेष स्क्रिनिङ असोज ५ र ६ (सेप्टेम्बर २१ र २२) मा हुनेछ । बुसानमा सहभागी ३ हजार ५९ लघु फिल्म मध्ये उत्कृष्टमा ‘रिहान’ परेको यसको निर्माण टोलीले बताएको छ ।

यस संस्करणको बुसान फिल्म फेस्टिभल सेप्टेम्बर १६ देखि २७ सम्म हुनेछ ।

‘रिहाना’ बुसानमा प्रिमियर हुने विषयलाई आफ्नो एक उद्देश्य पूरा भएको निर्माता केदार भुसाल भनाइ छ । उनी भन्छन्, ‘म नेपालका कथालाई विश्वभर पु¥याउने लक्ष्यका साथ काम गरिरहेको छु । बुसानमा यो लघु फिल्म छनोट भएकाले मलाई थप उत्साह मिलेको छ ।’

‘रिहाना’ लेखक र निर्देशक सुरज पौडेल हुन् । यसमा पृथु भट्ट र सृजना अधिकारी मुख्य भूमिकामा रहेका छन् । ‘अ दुम्सी पिक्चर्स पोडक्सन’को ब्यानरमा बनेको यस लघु फिल्मका निर्माताहरु उज्ज्वल बस्ताकोटी, अभिनाश विक्रम शाह र केदार भुसाल हुन् ।