काठमाडौं– माछापुच्छ्रे बैंक लिमिटेडले आर्थिक वर्ष २०८१/८२ को वितरणयोग्य नाफाबाट शेयरधनीलाई लाभांश दिने भएको छ । बैंकका प्रमुख कार्यकारी अधिकृत सिइओ सन्तोष कोइरालाका अनुसार बैंकले ८ प्रतिशत लाभांश दिने भएको हो ।
जसमा कम्पनीले ९२ करोड ९७ लाख ८ हजार रुपैयाँ बराबरको कसर सहित लाभांश दिने भएको हो । बैंकले ४ प्रतिशत बोनस शेयर र ४ प्रतिशत नगद लाभांश दिने निर्णय गरेको सिइओ कोइरालाले जानकारी दिए ।
उक्त लाभांश नेपाल राष्ट्र बैंकले स्वीकृति दिएपछि बैंकको आगामी बस्ने साधारणसभाले पास गरेपछि वितरण गर्ने कम्पनी सचिव सुभाष जमरकटेलले जानकारी दिएका छन् ।
प्रतिक्रिया