काठमाडौं– पाकिस्तानी वायुसेनाले बलोचिस्तान प्रान्तमा हवाई आक्रमण गरेको समाचार सार्वजनिक भएको छ । पाकिस्तानी वायुसेनाले बलोचिस्तानको बोलान क्षेत्रमा रहेको माचमा आक्रमण गरेको बलोचिस्तान पोस्टको समाचारमा जनाइएको छ ।

सामाजिक सञ्जालमा सार्वजनिक तस्बिर र भिडियोमा नजिकै रहेको पहाडी गोनिपारा र उर्दू बाघ र धदार क्षेत्रमा संदिग्ध हवाई आक्रमणबाट क्षति पुगेको देखिन्छ । बलोचिस्तान पोस्टका अनुसार यसबारे पाकिस्तानी सेनाले कुनै प्रतिक्रिया दिएको छैन ।

पाकिस्तानी फौजले यसअघि बलोचिस्तानमा सञ्चालित कुनै पनि कारवाहीमा हवाई आक्रमण नगरेको बताउने गरेको थियो ।

बलोचिस्तान प्रान्तमा लामो समयदेखि स्वतन्त्रतावादी आन्दोलन चलिरहेको छ । सो क्षेत्रमा सक्रिय लडाकु समूहले बेलाबेला पाकिस्तानका सैनिक र सार्वजनिक क्षेत्रलाई निशाना बनाएर आक्रमण गर्दै आएका छन् ।