काठमाडौं– भारतको सबैभन्दा ठूलो कार निर्माता कम्पनी मारुती सुजुकीले भारतमै निर्माण भएको विद्युतीय सवारी (ईभी) इ–भितारा–एसयूभी सार्वजनिक गर्ने घोषणा गरेको छ । गुजरात राज्यमा रहेको परिष्कृत कारखानामा मारुती सुजुकीले यो कार निर्माण गरिएको हो ।

यो कारखानाले विश्वका १ सयभन्दा धेरै मुलुकमा विद्युतीय कार निर्यात गर्ने लक्ष्य लिएको छ । यस कारखानाबाट उत्पादन हुने ईभी बेलायत, युरोपजस्ता उन्नत बजारमा पनि निर्यात हुने अपेक्षा गरिएको छ ।

पछिल्लो समय विश्वभर विद्युतीय सवारीको उत्पादन र प्रयोग बढ्दै गइरहेका बेला मारुती सुजुकीले भारतमै निर्माण गरिएको आफ्नो पहिलो विद्युतीय सवारी सार्वजनिक गर्ने घोषणा गरेको हो । पछिल्लो समय भारतमा पनि ईभीको माग र उत्पादनमा तीव्र वृद्धि भएको छ ।

यसबाट वातावरणमैत्री यातायातको क्षेत्रमा थप सम्भावनाहरू खुल्ने विश्लेषण गरिएको छ ।