काठमाडौं– अछाममा जिल्लाका विभिन्न गाउँहरूमा अहिले सम्म विद्युतको राष्ट्रिय प्रसारण लाइन नपुगेको र सरकार र विद्युत् प्राधिकरणले यस कुरालाई ध्यान नदिएको विषयमा शुक्रबार युवाहरूले माइतीघर मण्डलामा विरोध प्रदर्शन गरेका छन् ।
सुदूपश्चिमाञ्चलको बोलन्या थली फोरमले आज लालटिन बोकेर सरकार र प्राधिकरण कहाँ छन् भने सांकेतिक रूपमा प्रदर्शनी गरेका हुन् ।
अछाम जिल्लाका विभिन्न स्थानहरू क्वाखेल, जामा, फल्टाने, सुनदेवी, छडानदेवी र भूल हरफ बलातामा अहिले सम्म राष्ट्रिय प्रसारण लाइन नपुगेको र सो क्षेत्रका ४ हजार भन्दा बढी स्थानीयहरू अहिले पनि अन्धकारमा बस्नु परेको सो फोरमका अध्यक्ष यादव जोशीले बताए ।
तस्बिर : नेपाल फोटो लाइब्रेरी
प्रतिक्रिया