काठमाडौं– भारतमा श्रीलंकाका सञ्चारकर्मीका लागि प्रशिक्षण कार्यक्रम आयोजना गरेको छ । भारतमा श्रीलंकाली सञ्चारकर्मीका लागि दुई साता लामो प्रशिक्षण कार्यक्रम आयोजना गरिएको हो ।

यस कार्यक्रमबारे भारतीय विदेश मन्त्रालयका प्रवक्ता रणधीर जयसवालले जानकारी सार्वजनिक गरेका छन् । यस कार्यक्रम भारतको उडिशा राज्यमा आयोजना गरिएको छ ।

कार्यक्रममा सञ्चारकर्मीलाई प्रशिक्षण प्रदान गर्नुका साथै भारतमा क्षेत्रीय सञ्चारमाध्यमका बारेमा जानकारी दिइने जनाइएको छ । भारतीय समाचार संस्था एएनआईका अनुसार गत अप्रिल महिनामा प्रधानमन्त्री नरेन्द्र मोदीले श्रीलंका भ्रमण गरेका थिए ।

उक्त भ्रमणका क्रममा प्रधानमन्त्री मोदीले विभिन्न क्षेत्रमा काम गर्ने श्रीलंकाका ७ सय जनालाई तालिम प्रदान गर्ने घोषणा गरेका थिए ।

सोही घोषणाका आधारमा श्रीलंकाली सञ्चारकर्मीहरु भारत भ्रमणमा आएको एएनआईले जनाएको छ । भारतको यस कदमबाट द्विपक्षीय सम्बन्धका साथै जनस्तरको सम्पर्कमा अभिवृद्धि हुने अपेक्षा गरिएको छ ।